وحدك
- سنة النشر: 01 Jan 1970.
- عدد مرات التحميل: 502882 مرّة / مرات.
- تم نشره في: الإثنين , 14 ديسمبر 2015م.
وصف الكتاب:
سلمي إحنا مُش هينفع نكمّل مع بعض ! بتهزر يا حاتم صح ؟ وهي المشاعر فيها هزار !! = تصدق ان أول مرة اتمنئ يكون كلامك هزار ؟ - من فترة وانا حاسس انى مُش مبسوط وحاسس ان العلاقة دى سبب عصبيتى وتعبى ! وبحاول أكدب نفسي, مُش مرتاح, مُش دي العلاقة اللي كنت عايز أعيشها او بتمناها، كنت فاكرها هتكون غير كدة خالص. انا عارف إنك بنت جدعة وتستاهلي أحلي مني مليون مرة. وا - لاء ، لحظة انا هكملك الاسطوانة ! - -انا عارفه اللي انت هتقولهُ كويس. عارفة اني اول بنت هتقول إنك حبيتها (هههههه ) وإن مفيش فى اخلاقي وطيبة قلبي ,وطريقة تفكيري مختلفة ومُبهرة وإني غير كل البنات اللي قابلتها فى حياتك, وغيرهم فى نظرك. أقولك انا عارفة اني مليش زي ولا شبيه عندك!! اكمل كمان ؟ -دول الكلمتين اللي لمّا كنت هتقولهم كنت هتحس إنك كويس يعني فى نظري وضميرك مرتاح , واني هقولك وأنت كمان تستاهل حد كويس زيك !! - هو انت لسه هتضحك عليه كمان فى الفراق !! - انت ايه! سهل عندك وجع القلب ؟ وان شخص ترفعه بأهتمامك لفوق ويرتب حياتهُ عليك وفجاة من تحت رجليه تشد الكرسي , فيقع متكسر على جدور رقبتهُ !! ببساطة كدة مُش هقدر أكمّل ! - طب واللي بينا ؟ - انا موعدتكيش بحاجة - = هو وجودك فى حياتي ده مُش وعد ؟ ولا هو إنت لأزم يكون الوعد عندك ورق مكتوب وعليه شهود !! هي المشاعر والكلام والسؤال مُش وعد بالوجود ؟ هى الغيرة مُش وعد ودليل على الحُب ؟ هو العتاب مُش حُب !! هو إنك تكون موجود فى حياتي وقريب منى مُش عشمَ !! - ملعون اللىّ يصدق كلمة من غير ما تكون بفعل. - إنت خلتني رتبت كل تفاصيل حياتي عليك,عودتني إنك موجود ,وإني احكيلك اللي بيني وبين نفسي, فضلت تقرب بالتدريج لحد ما حسيتك اماني ودنيتي , كنت بتحقنى طبطبة وأهتمام من غير ما اطلب ,!! - انا مكنتش عايزة أحب ولا ادخل فى الدايرة دي ووجع القلب , بس انت خلتني احبك باهتمامك ليه !! - - تقدر تقولى كل ده أسمهُ ايه !؟ -أقولك انا !! اسمهُ جحود وقسوة وانانية وحب ذات,اسمهُ بتفكر فى أهوائك الشخصية على حساب غيرك,وتدمير لمشاعر الناس, اسمهُ بخل وتدليس, حتى هتلاقيك فى علاقتك بربنا بخيل بأهلك بصُحابك البخل طبع ما بيتجزئش,خلاص كدة أرتحت؟ - حسيت إنك لأزم ترضي ضميرك بكلمتين قبل ما تمشي, وتروح تخرب حياة حد تاني !! - بذمِتك انتَ مُش مكسوف وانتَ عمّال تتحرك فى قلوب الناس زي قطع الشطرنج , كل هَمك الإنتصار وبس !! - انت مُش طبيعي , لاء . - عموماً انا مُش هدعي عليك ؟ انا هدعي ربنا إنك تقابل اللىّ شبهك بس.
